Атлетико со жестока објава против Реал: Машинеријата ќе уништи се што ќе се најде на патот! (Фото)

Црната кампања на Реал Мадрид против Хосе Мунуера Монтеро предизвика низа реакции во Шпанија, но целата ситуација отиде на далеку повисоко ниво, откако шпанската Фудбалска Федерација ангажираше специјална комисија за да отвори истрага против главниот арбитар.

Новоформираната вонредна комисија ќе треба да испита дали фирмата која ја има оформено Мунуера се коси со правилата на Ла Лига за конфликт на интереси, а доколку се докаже дека Монтеро давал услуги на Ла Лига и УЕФА преку својата спортско констултантска агенција, очекувањата се да добие огромна казна.

Овој притисок кој се врши во изминатите неколку дена донесе и смртни закани кон него и неговото семејство, па во целата оваа епизода, во одбрана на шпанскиот судија застана Атлетико Мадрид.

„Колчонеросите“ жестоко го нападнаа својот градски ривал од Мадрид за притисокот кој го извршија кон Мунуера, кој сега може да остане и без работа после натпреварот кој го судеше на Ел Садар.

– Машинеријата веќе работи неколку недели и планира да уништи се што ќе се најде на патот. Да видиме кој ќе биде храбар да испорача правда, кога знае дека може да биде следниот…… Престанете со вознемирување на судиите веднаш!, – гласи пораката на Атлетико упатена до Реал Мадрид.

La maquinaria lleva varias semanas en marcha y tritura todo lo que se pone en su camino. A ver quién es el valiente que imparte justicia sabiendo que puede ser el próximo… #StopAcosoArbitralYa @RFEF @CTARFEF @LaLiga @deportegob pic.twitter.com/YUj2QHxDBW

— Atlético de Madrid (@Atleti) February 18, 2025