Атлетико се посрамоти со тимот кој испадна од Ла Лига, Симеоне порача: Ова е убавината на фудбалот (Видео)

Атлетико Мадрид доби шанса да се бори за второто место во Ла Лига откако Реал Мадрид комплетно се фокусираше на Копа дел Реј и Лигата на шампионите, но тимот на Чоло Симеоне ова попладне го претрпе најнеочекуваниот пораз оваа сезона.

„Душекџиите“ пропуштија шанса да се вратат на второто место и истото сега му припаѓа на Реал, бидејќи фаворизираниот тим не успеа да победи против тимот кој веќе испадна од Ла Лига.

Елче е убедливо најслаба екипа во шпанската елита и следната сезона ќе се натпреварува во Сегунда, но денеска играше за чест и покажа колку фудбалот може да биде непредвидлив.

Иако многумина прогнозираа и два-три гола во мрежата на домаќините, на крајот Елче победи со 1:0, а Симеоне му честиташе на ривалот и даде интересна изјава.

– Елче одигра многу добар натпревар, покажа поголем интензитет во сите 90 минути и заслужено победи. Беа пофокусирани во малиот број шанси кои ги имаа и мора да им честитаме. Станува збор за испаднат тим од Ла Лига, но покажа чест и гордост. Елче ја покажа сета убавина на фудбалот, – изјави Симеоне.