Атлетико Мадрид мерка поранешен играч на Реал

Диего Симеоне веќе има поставено приоритети за следниот преоден рок и со соработниците од менаџментот ќе се обиде да донесе соодветни засилувања за Атлетико Мадрид.

Она што Атлети сигурно ќе сакаат да го реализираат е засилување во средниот ред и тоа на подефанзивните позиции, со што би имале уште една опција во ситуација и кога не е најјасно колку играчи можат да заминат по крајот на сезоната.

Според шпанските медиуми, примарна цел на Атлетико е Матео Ковачиќ, фудбалерот на Манчестер Сити за кого Симеоне има позитивно мислење и смета дека добро ќе се вклопи во неговиот тим и тактичките замисли кои ги протежира.

Ковачиќ сезонава има поголема минутажа најмногу поради повредата на Родри, а се чини дека ангажирањето на Нико Гонзалес од Порто е јасен знак дека Сити е отворен за преговори и продажба на хрватскиот интернационалец.

Сити нема да бара повеќе од 30 милиони евра за Ковачиќ, а Атлетико на тој начин би добил искусен играч, кој претходно настапуваше во Ла Лига и тоа за градскиот ривал Реал Мадрид.