Атлетико Мадрид ќе брка важен рекорд против Вилјареал

Диего Симеоне се надева дека неговиот Атлетико Мадрид ќе ја продолжи позитивната серија на домашен терен и со победа над Вилјареал, ќе постави нов клупски рекорд.

Атлети играат одлично и се во одлична серија пред своите фанови, каде победија на последните 16 натпревари, од кои 14 беа во рамките на Ла Лига.

Со последниот триумф над Алавес фактички беше израмнет рекордот од 2012 година, поставен исто така под водство на Чоло но на „Висенте Калдерон“, а евентуален триумф над Вилјареал би бил нов апсолутен рекорд.

Атлетико ќе биде голем фаворит против Вилјареал, кој пред неколку дена направи тренерска смена, а со евентуална победа и кикс на Барселона, може да стигне и до третото место на табелата.