Атлетико Мадрид ја потврди разделбата со клучен човек од раководството

Шпанскиот клуб Атлетико Мадрид денеска ги потврди најавите на медиумите, официјализирајќи ја разделбата со досегашниот спортски директор Андреа Берта.

Берта беше клучен човек во однос на трансфер политиката на Атлети од 2017 година наваму, а во мадридскиот клуб работеше од 2013 година или повеќе од една деценија.

Заминувањето на Берта е потврдено, а медиумите велат дека една од причините е назначувањето на Карлос Бусеро за генерален фудбалски директор, потег со кој досегашниот спортски директор загубил дел од своите ингеренции и очигледно не можел да пронајде заеднички јазик за одредени одлуки.

Атлетико најави дека наследникот на Берта ќе биде човек од клубот, односно веројатно позицијата ќе ја добие некој од неговите досегашни асистенти.

Берта е поврзуван со Манчестер Јунајтед и нема да биде изненадување ако се пресели во Премиер лигата, а најновата ситуација сигурно је следат и други европски клубови.

🚨 JUST IN: Andrea Berta has officially left Atlético Madrid TODAY, after spending around 12 years at the club.@marca pic.twitter.com/Ilep5YohzN

— Atletico Universe (@atletiuniverse) January 5, 2025