Атлетико Мадрид го обезбедил потписот на Алварез

Претставниците на Атлетико Мадрид и Манчестер Сити веќе постигнале начелен договор за трансферот на Хулијан Алварез во шпанскиот клуб и двете страни се убедени дека нема причина поради која преговорите може да се изјаловат кога се дојдени до овој стадиум.

Аргентинскиот репрезентативец е во потрага по клуб каде ќе има поголема минутажа, а Диего Симеоне очигледно му ветил дека ќе биде во центарот на неговиот проект, односно реконструиран тим во пресрет на новата сезона.

Манчестер Сити со продажбата на Алварез ќе постави нов клупски рекорд во однос на заработката од еден трансфер, а се очекува со вклучените бонуси, таа сума да достигне 80 милиони евра. Тоа е четири пати повеќе од сумата која Сити ја плати за ангажирањето на овој фудбалер.

Блокбастер трансферот ќе биде комплетиран до утре, па деновиве ќе може да се очекува и промоција на напаѓачот во својот нов клуб.

За Алварез се интересираа и Челси, Арсенал и ПСЖ, но тој и семејството сметаат дека е најдобро да се преселат во Шпанија, каде Аргентинецот ќе има можност да биде прва ѕвезда на Атлетико.