Атлетико Мадрид ангажираше голман на Аталанта, тимот од Бергамо го претстави наследникот

Аталанта добро се подготви за најавеното заминување на квалитетниот голман Хуан Мусо и денеска експресно го претстави неговиот наследник во тимот на Џан Пјеро Гасперини.

Мусо стана уште еден Аргентинец кој ќе соработува со Диего Симеоне во Атлетико Мадрид и првично ќе биде поддршка за Јан Облак, а ќе се надева дека што поскоро ќе го преземе првотимскиот статус од словенечкиот голман.

Атлетико очекува дека Мусо ќе може да го предизвика Облак со своите квалитети и форма, а тоа би требало да го мотивира шпанскиот клуб следното лето да го откупи неговиот договор.

Истовремено, во Бергамо е претставен Руи Патрисио, искусниот португалски голман кој се враќа во Серија А, овојпат како член на Аталанта.

Патрисио доаѓа како слободен агент откако му истече договорот со Рома, потпишал еднгодишен договор и ќе треба да биде „бекап“ за првиот избор на Гасперини, Марко Карнесеки.

🤝 Rui Patricio ✍️ pic.twitter.com/S2wrvr4rxv

— Atalanta B.C. (@Atalanta_BC) August 27, 2024