Атлетико и Вилјареал понудија спектакуларни 45 минути, Алварез доби шанса во завршницата (Видео)

Првото коло во шпанската Ла Лига беше затворено со одличен меч на „Ла Керамика“ меѓу Вилјареал и Атлетико Мадрид, дуел кој ги оправда очекувањата на сите неутрални фанови во првото полувреме.

Двата тима постигнаа по два гола и се погрижија за спектакл во првите 45 минути, но вториот дел беше целосен контраст и видовме позатворен пристап од двете страни.

Вилјареал се покажа како исклучително незгоден противник и поведе со голот на Данжума, но Атлетико брзо возврати со одличен гол на Љоренте кој силно биеше откосо во мрежата на домаќините.

Следниот удар одново го зададе Вилјареал и „жолтата подморница“ поведе со 2:1 со автоголот на Коке, но пред крајот на полувремето, Серлот се најде на вистинско место за 2:2.

Довчерашниот играч на Вилјареал погоди против својот поранешен клуб и се израдува на погодокот за 2:2, па иако во тој момент не изгледаше така, истиот се покажа како последен на дербито.

Избраниците на Марселино и Симееоне останаа без доволно сила за трет гол во продолжението, а Чоло не доби резултат и од фактот што му даде шанса на најголемото летно засилување. Хулијан Алварез ги одигра последните 17 минути од средбата, но немаше ниту една конкретна шанса за гол.

Головите погледнете ги ТУКА