Атанасов: Повторно ни се случи истото…(ВИДЕО)

Македонскиот првак МЗТ Скопје го претрпе третиот пораз на четвртиот меч во АБА2 лигата, втор во пресметките со Хелиос Домжале.

Клубот од Словенија во драматичната завршница беше подобар со 68:67, резултат во кој влијание имаа и судиите со дискутабилната одлука во самиот финиш за неспорскиот фаул на Едвин, ситуација по која домаќините ги реализираа двете слободни фрлања и дојдоа до предност која се покажа како пресудна за остварениот триумф.

-Имавме добар напад. За нас ова е не знам кој натпревар во низа кој го губиме на еден посед во оваа сезона. Ништо, тоа е што е, го гледаме календарот за следниот натпревар и тоа е тоа, -порача тренерот Васко Атанасов.

„Штрковите“ се во незавидна ситуација и во моментов ништо не зависи од нив кога е во прашање пласманот во наредната фаза.