Атанасов: Ја знаевме тежината на самиот натпревар, донесовме нов трофеј во Аеродром

Тимот на МЗТ Скопје го совлада Пелистер со 78:64 и дојде до првиот трофеј во новата сезона и тоа во рамките на Супер Купот.

МЗТ преку Пелистер до првиот трофеј во сезоната

„Штрковите“ имаа проблеми во првиот дел, но по паузата заиграа на повисоко ниво, го свртеа резултатот и потоа го затворија натпреварот со посакуваниот резултат.

Со ова МЗТ продолжи да ги собира пехарите во своите витрини, да им носи радост на навивачите, но и задоволство кај тренерот Васко Атанасов.

-Пред се мислам дека беше добар натпревар за гледачите. Ја знаевме тежината на самиот натпревар, но и дека после првото полувреме ќе одиграме далеку подобра одбрана и напад.

-Честитки до моите играчи и стручен штаб за прикажаната игра, и благодарам на публиката за подршката во сите 40. минути. Ова за нас беше добро отварање на сезоната и нов трофеј во Аеродром, -порача Атанасов.