Аталанта заборави да победува на домашен терен и пропушти нова шанса пред дербито во Серија А

Аталанта е фаворит од сенка за титулата во Серија А и љубоморно ги следи Интер и Наполи на првенствената табела, но формата на домашен терен е главна причина што тимот од Бергамо не е лидер на табелата во овој момент.

Избраниците на Џан Пјеро Гасперини заборавија да победуваат на домашен терен во клучен дел од сезоната, а тоа на крајот може да се покаже како пресудно во шампионската трка.

Аталанта не победи на домашен терен во Серија А и на петти натпревар во низа, овојпат против Венеција со која одигра разочарувачки 0:0.

Иако имаа целосна теренска иницијатива, нападите на Аталанта најчесто беа јалови и безопасни, а доказ за тоа е и статистиката која вели дека само три удари заврши во рамките на голот.

Аталанта со ова реми пропушти шанса за момент да се искачи на врвот на табелата пред дербито меѓу Наполи и Интер, додека бодот е многу поголем за Венеција која води грчевите борба за опстанок.