Аталанта со драматична победа се врати на врвот во Серија А (ВИДЕО)

Фудбалерите на Аталанта многу потешко од очекувањата дојдоа до трите бода во соочувањето со Емполи во претпоследниот меч од денешната програма во Серија А.

Домаќините беа апсолутни фаворити во оваа пресметка, но гостите пружија силен отпор, дадоа дури два гола во Бергамо што на крајот беше доволно за минимален пораз од 3-2.

Избраниците на Гасперини дојдоа до трите бода во 86 минута кога Де Кетеларе со својот втор гол на дуелот донесе огромно славје. Кај Аталанта реализираше и Лукман, додека за Емполи погодија Коломбо и Еспосито.

Со овој резултат популарната „Ла Деа“ се враќа на врвот со 40 бода, два повеќе од второпласираниот Наполи.