Аталанта остана без муниција на „Фриули“

Аталанта беше во серија од 11 победи во домашното првенство до крајот на 2024-та година, но откако ремизираше со Лацио на 28-ми декември, сега ја запиша и втората „нула“ во краток временски интервал.

Долгиот пат кон Саудиска Арабија очигледно влијаеше негативно врз избраниците на Џан Пјеро Гасперини, кои ова попладне не само што останаа без муниција, туку на моменти беа и надиграни од Удинезе.

Поразот од Интер во Суперкупот и патешествието до Ријад резултираше со губење на свежината кај играчите на Аталанта, па дефинитивно конечните 0:0 се разочарувачки за тимот кој е аспирант за титулата.

Второто реми во низа дефинитивно го оддалечува тимот на Гасперини од врвот на табелата, бидејќи Наполи со победа може да отиде на плус пет.

Пред Аталанта до крајот на викендот може да биде и Интер, бидејќи актуелниот шампион утре има гостување против аутсајдерот Венеција.