Аталанта го суреди и Милан и ја презема лидерската позиција во Серија А (ВИДЕО)

Екипата на Аталанта најмалку до недела ќе биде нов лидер во италијанската Серија А, позиција до која стигна откако вечерва го доби дербито со Милан со 2-1.

Составот од Бергамо игра фантастично, игра во одлична форма и бележи резултати кои во овој момент го ставаат во борба за Скудетото во Калчото. Вечерашниот триумф на избраниците на Гасперини беше деветти во низа во шампионатот и сега има два бода повеќе од второпласираниот Наполи кого го очекува тежок предизвик со Лацио, тим кој во четвртокот ги елиминираше од Копа Италија.

Аталанта брза зададе удар на соочувањето со „росонерите“ и тоа преку Де Кетеларe во 12 минута. Милан одговори десет минути подоцна кога по додавањето на Леао, шпанскот репрезентативец Мората беше прецизен за 1-1.

Овој резултат беше активен се до самата завршница или поточнo 87 минута кога Лукман се најде на вистинското место и погоди за огромни три бода.

Следно за „Ла Деа“ е натпреварот со Реал Мадрид во ЛШ, а пак Милан во истото тоа натпреварување е домаќин на Црвена Звезда.