Астон Вила потврди неочекувано засилување од редовите на Интер

Астон Вила изненади многумина со трансфер активноста која ја завршија во текот на денешниот ден.

Нов фудбалер на клубот од Бирмингем е сега веќе екс играчот на Интер, Ешли Јанг кој се поврзуваше со трансфер во редовите на Вотфорд.

Астон Вила е последниот помал клуб во кој играше Јанг пред да направи трансфер во Манчестер Јунајтед, а потоа и во редовите на Интер, па оваа авнтура нема да биде нова за него.

35 годишниот бек кој одлично се снаоѓа и на офанзивните крилни позиции со Астон Вила потпиша договор со траење од една година, а истиот може да биде продолжен на уште една дополнителна.

– Ешли со себе носи големо искуство од играње на врвно ниво, а ни се приклучува само што ја освои титулата во Италија. Тој е играч кој може да игра на неколку позиции, а зборувајќи со него сфатив дека е подготвен да има големо влијание во нашиот тим оваа сезона, -изјави тренерот на Астно Вила, Дин Смит.