Аслани потпиша нов договор со Интер

Италијанскиот шампион Интер потпиша нов договор со репрезентативецот на Албанија, Кристјан Аслани.

Играчот од средината на теренот се обврза дека ќе го носи дресот на „нероаѕурите“ до летото 2028 година. Аслани е дел од клубот од Милано од 2022 година кога пристигна од редовите на Емполи со тоа што првата сезона настапуваше како позајмен играч за да потоа договорот му биде откупен од страна на сегашниот тим.

Во овој изминат период има одиграно 63 натпревари и постигнато 1 гол против Џенова минатата сезона.

Со Интер стана шампион на Италија, го освои Купот, но и два Супер Куп трофеи.