Артета за „Златната топка“ за Меси: Кога зборувате за него…

Лионел Меси и официјално беше прогласен за најдобар светски фудбалер или поточно по осми пат во неговата кариера ја освои најзначајната индивидуална награда „Златната топка“.

Меси имаше сезона, година во која со Аргентина успеа да стане светски шампион, поточно како лидер, капитен ги преводеше „гаучосите“ до пехарот кој долго време се чекаше во оваа јужноамериканска земја, уште од времето на легендарниот Диего Армано Марадона.

Меѓутоа има и такви кои сметаат дека ова што Лео го направи низ овој период не било доволно за да биде број еден, односно некој друг требало да го добие ова признание со тоа што се посочува името на Ерлинг Халанд.

Околу оваа тема свој збор имаше стратегот на Арсенал, Микел Артета кој во неколку реченици го образложи својот став.

-Кога зборувате за Меси никогаш не може да биде погрешно. Она што тој го направи, го освои Светското првенство, на негова возраст, тоа беше врвот во неговата кариера. Просто е неверојатно, конзистентноста што ја покажа, нивото што му го даде на фудбалот, -истакна Артета.