Артета за влијанието на Мурињо: Учите многу од…

Арсенал во „последен час“ остана без победата на дербито со Манчестер Сити на кое второто полувреме го играше со играч помалку и цврсто се држеше до 98 минута кога Стоунс го матираше Раја за конечни 2-2.

Меѓутоа време за одмор нема затоа што следи нов предизвик и „топчиите“ утре ќе се соочат со Болтон во англискиот Лига Куп, но секако менаџерот Микел Артета имаше можност да одговори на некои од прозивките од Сити за нивната игра, стилот, па Шпанецот посочи какво влијание врз него имал Жозе Мурињо.

-Повеќе од влијание, мислам дека учите многу од другите врвни тренери и се обидуваш да разбереш зошто тие биле успешни. Но, ако оди во друга насока, дали имате способност да се прилагодите? -рече Микел кој за „валканите“ тактики за кои беа спомнати од Стоунс и останатите кратко порача:

Спасителот на Сити распали по играта на Арсенал: Веќе некое време користат валкани тактики

-Секогаш ги претпочитам фактите отколку зборовите или претпоставките. Ајде да видиме кој е достапен утре и потоа да зборуваме за ‘валканите игри’ или овие работи или дали е тоа реалност. За жал, да, ќе има неколку играчи кои не се достапни. не знам. Тоа се мислења и тоа е тоа, -рече стратегот на клубот од северен Лондон.