Артета за реваншот на „Бернабеу“: Знаеме што не чека во Мадрид, ќе мора……

Микел Артета му даде еден слободен ден на својот тим по огромната победа над Реал Мадрид, но тој и играчите немаат премногу време за одмор, од едноставна причина што веќе денеска го играат својот натпревар во Премиер лигата.

„Топчиите“ се очекува да бидат сериозно тестирани од Брентфорд кој игра фантастичен фудбал под водство на Томас Франк, па тоа може да биде и одлична увертира за она што следи, односно реванш четвртфиналето со „кралевите“ во Лигата на шампиони.

Арсенал ќе отпатува за Шпанија со предност од 3:0, па и покрај тоа што залихата е прилично добра, во „кралскиот клуб“ сите веруваат во нова магична ноќ и пресврт на „Бернабеу“.

– Изгледав една реприза од натпреварот и видовме што правевме добро. Изгледав само една снимка, а потоа целосно се насочив кон Брентфорд.

– Прво да го минеме Брентфорд, а потоа ќе мислиме на реваншот. Знаеме дека треба да бидеме концентрирани на самите себе. Кога ќе дојде време, ќе го подготвиме натпреварот со Реал. Добро знаеме што ќе не чека таму, ќе мора да се избориме за полуфинале. Мора да направиме исчекор и да бидеме уште подобри од првиот меч, – изјави Артета.