Артета за потегот на Раја: Една од најдобрите одбрани кои сум ги видел

Микел Артета не е изненаден што Арсенал имаше проблеми со незгодната Аталанта, а и самиот ја истакна двојната одбрана на Давид Раја како потег на натпреварот.

Шпанскиот стручњак покажа посебен респект кон актуелниот освојувач на Лига Европа со изјавите пред соочувањето, а неговиот тим освои само бод од гостувањето во Италија.

– Како што и очекувавме, ова беше тежок натпревар, а и не беше убав фудбал за гледање.

– Започнавме добро и диктиравме темпо, а потоа почнавме лесно да ги продаваме топките, не можевме да го постигнеме посакуваниот ритам во деловите на теренот каде требаше да бидеме опасни.

– Од друга страна не му дозволивме на противникот да биде опасен, освен од пеналот по кој следуваше таа одбрана на Раја, една од најдобрите кои сум ги видел во кариерата. Раја беше неверојатен и денеска, – рекол Артета.

Одбраната на сезоната ја видовме уште во првото коло во ЛШ: Раја направи чудо во Бергамо (Видео)