Артета убеден: Арсенал има ресурси да ја освои ЛШ

Предводникот на Арсенал, Микел Артета е убеден и верува дека премиерлигашот може да ја освои титулата во елитното натпреварување.

„Топчиите“ веќе се во „дебел“ минус зад Ливерпул во англиската Премиер лигата и ќе биде многу тешко да се вратат во игра за пехарот, односно реално единствената шанса за трофеј во оваа сезона ја имаат во ЛШ со тоа што и тука ќе треба да минат сериозни предизвици почнувајќи од ПСВ Ајндховен.

-Не можеме да го промениме, мораме да научиме од него и да го земеме тоа во следниот натпревар. Има многу работи што ги научивме оваа сезона во Лигата на шампионите за себе. Игравме многу поинаку дома и на гости минатата година, особено во Европа.

-Оваа година бевме многу поконстантни. Постигнавме многу голови и не примивме речиси ништо. Имаме примено само три гола и најмалку очекувани голови во натпреварувањето, што е одлично. Тоа е голема платформа. Ги имаме тие ресурси, тоа е она што тимот веќе го направи. Сега треба да продолжиме да го правиме тоа. Кога ќе ги погледнете тимовите кои беа многу успешни, одбранбениот рекорд е критичен. Тогаш покажавме капацитет да постигнеме многу голови во натпреварувањето. Сега тимот е поинаков, но овој тим има уште многу ресурси да го направи тоа, -порача Артета.