Артета: Требаше да дадеме седум гола, не можете да…

Арсенал го направи првиот кикс во новата сезона во Премиер лигата, поточно првите бодови ги загуби во пресметката со Фулам на „Емирејтс“.

„Топчиите“ примија гол во раната фаза, меѓутоа се вратија, направија комплетен пресврт преку Сака и Нкетија, но и тоа како и црвениот картон на Баси не беше доволно за Арсенал да ги освои трите бода затоа што Палиња во 87 минута стрелаше за конечни 2-2.

Овој резултат беше разочарување за навивачите, ама и за тренерот Микел Артета кој беше многу искрен и директен.

-Уште на почетокот им подаривме неверојатен гол на гостите. Навистина си го отежнувате животот. Ама тимот реагираше навистина добро. Доминиравме во играта и создадовме безброј шанси и лесно требаше да постигнеме пет, шест, седум гола. И кога сте го направиле најтешкото нешто што е да се вратите напред против тим кој е добро организиран, треба да го одбраните вашиот шеснаесетник од еден корнер. Тоа е единствената шанса што ја имаат и сте казнети.

-Сепак, добивате уште две шанси и не давате гол – тоа е приказната на натпреварот. Направивме многу работи за да удобно да го добиеме натпреварот, ама завршивме само со еден бод. Мораме да покажеме друго ниво на посветеност и желба и „над моето мртво тело“. Со 10 играчи не можете да примите гол, -порача Микел за „Би-Би-Си“.