Артета: Тотенхем е реален кандидат за титулата

Микел Артета смета дека одличниот старт на сезоната на Тотенхем не е случајност и ривалот на неговиот Арсенал ќе биде претендент и за титулата во Премиер лигата.

Менаџерот на „топчиите“ зборувал пред медиумите во пресрет на новото премиерлигашко коло, па го истакнал и тимот на Постекоглу како потенцијален кандидат за врвот на табелата на крајот на сезоната.

– Тотенхем во моментов е на првото место и заслужено се наоѓа таму.

– Она што се случува во нашата лига изминативе години е досега невидено, постојано се зголемува квалитетот на ривалите и се потешко се стигнува до трофејот, – рекол Артета.

Менаџерот на Арсенал потврдил дека Мартин Одегард ќе биде дел од тимот на гостувањето кај Њукасл, додека Габриел Жезус засега не е во комбинација за „топчиите“.