Артета соопшти лоши вести за повредата на Сака: Ова е уште еден тежок удар за нас

Микел Артета немаше воопшто добри импресии за повредата која ја заработи Букајо Сака, а информациите се уште полоши по одминати два дена.

Крилото на Арсенал се повреди против Кристал Палас и со патерици го напушти „Селхрст парк“, па иако тоа беше добра најава дека повредата е сериозна, сега и самиот Артета се помири со реалноста.

Менаџерот на Арсенал не можеше да открие кога точно ќе се врати крилниот напаѓач, но проценките на медиумите се дека ќе паузира најмалку два месеци.

– Повредата на Сака не изгледа воопшто добро, ќе биде во аут многу седмици. Не можам да бидам поспецифичен и да давам поточни информации, не сум доктор и не можам да давам детали.

– Ми кажаа дека ќе го нема многу седмици и тоа е огромен удар за нас. Тој е клучен фудбалер од неверојатно значење за нас. Сите знаете какво влијание има врз тимот, но од друга страна, ова е уште еден голем предизвик за сите останати во Арсенал. Имавме многу предизвици оваа сезона, моравме да играме без капитенот Одегард, а сега ќе играме и без Сака, – изјави Артета за Сака кој заработи повреда на задната ложа.