Артета соопшти лоша вест за последното летно засилување на Арсенал: Се повреди на првиот тренинг

Арсенал го ангажираше Микел Мерино од редовите на Реал Сосиедад и до овој момент тоа е последно летно засилување на „топчиите“, па иако можно е тоа да се промени во самата завршница од денешниот ден, Микел Артета како менаџер соопшти една лоша вест за неговиот сонародник.

Артета го подготвува тимот за новиот предизвик во Премиер лигата наречен Брајтон, но во подготовките за истиот, Мерино заработил незгодна повреда уште на првиот тренинг.

По се изгледа, играчот за врска паднал доста лошо и заработил мала фрактура на рамото, поради што ќе биде во аут повеќе недели.

– Мерино имаше многу лоша среќа уште на првиот тренинг. Вчера доби удар и детектирана е повреда на рамото. Изгледа дека ќе биде неколку недели во аут.

– Тој падна на земја по еден дуел и врз него падна Габриел. По се изгледа има мала фрактура на рамото, – откри Артета.