Поврзете се со нас

Англија

Артета открива: Еден играч не смее да влезе во соблекувалната, се преоблекува на друго место

Објавено

на

Foto:x.com/Arsenal

Микел Артета постојано им дава шанса на играчите од Академијата на Арсенал и во последно време посебно се истакнуваат Луис-Скели и Нванери, фудбалери кои успеаја да се запишат во листата на стрелците на натпреварот против Манчестер Сити.

Иако Луис-Скели се најде во прв план поради провокативната прослава која му ја посвети на Ерлинг Халанд, сега Артета се погрижи доста внимание да привлече и Нванери, и тоа поради едно правило во Англија кое му прави проблем на тинејџер.

Како 17-годишен фудбалер кој настапува за првиот тим, Нванери нема право да влегува во соблекувалната со лица кои се полнолетни, па поради тоа, мора да се преоблекува на друго место пред да дојде да го слушне завршниот говор од менаџерот.

Правилата за заштита на тинејџери во Англија важат и за професионалниот спорт, па Артета открива дека сите во Арсенал максимално се држат до законот.

– Знам дека звучи неверојатно, но Етан Нванери се уште нема дозвола да влезе во нашата соблекувална, што за мене е малку неверојатно. Тој мора да се преоблекува на друго место, а потоа да му се приклучи на тимот. Тоа важи дури и кога ги играме натпреварите. Навистина сме среќни што поседуваме толку талентиран играч, кој воедно е многу зрел, – потенцира Артета.

Advertisement
Advertisement

Италија

Advertisement

Популарни