Артета откри дека долго го следел Жоржињо и посочи што тој ќе донесе во клубот

Стратегот на Арсенал, Микел Артета истакна дека е задоволен со ангажманот на Жоржињо од редовите на Челси.

Бразилецот со италијански пасош потпиша договор со „топчиите“ во последните моменти од зимскиот преоден рок и беше едно од неколкуте трансфер изненадувања кои се случија во јануари.

Артета истакна дека подолго време сакал да го ангажира Жоржињо, играч кој на клубот ќе му донесел дополнителен квалитет и лидерство.

– Се обидував да го донесам Жоржињо и пред неколку години, тој може да донесе квалитет, искуство и лидерство во нашиот тим. Навистина ми се допаѓа, -изјави Микел Артета.

За Жоржињо да пристигне на „Емирејтс“ мораше да се ослободи место во средината на теренот, па Самби Локонга беше пратен на позајмица во Кристал Палас, а за него Артета истакна дека има иднина во Арсенал.

– На Самби Локонга му беа потребни минути за напредок, Палас е перфектен клуб за него, а Патрик Виера перфектен тренер за тој дополнително да напредува, -заклучи Артета.