Артета останува далеку од Гвардиола и со новиот договор, Тен Хаг е „казнет“ поради испуштената ЛШ

Арсенал и Микел Артета гордо го истакнаа фактот за продолжување на договорот до 2027 година, но и продолжената соработка не го приближи менаџерот на „топчиите“ до неговиот трофеен сонародник.

Аретата ќе заработува 10 милиони фунти по сезона и ќе има опција да активира одредени бонуси со освоени трофеи, што е двојно помалку од она што го добива Гвардиола во Манчестер Сити.

Сити освои четири титули по ред во Премиер лигата, па и не чуди што Гвардиола е на тоа ниво, а зад поранешните соработници се наоѓа уште еден шпански стручњак.

Унај Емери ја одведе Астон Вила во Лигата на шампионите и заслужи плата од 8 милиони фунти, а далеку зад Шпанците сега е Ерик тен Хаг кој морал да прифати намалена плата за 25 проценти. Холандскиот стручњак е спуштен на плата од 6,25 милиони фунти поради фактот што Манчестер Јунајтед не обезбеди место во Лигата на шампионите.

Веднаш зад него е сонародникот Арне Слот, кој во Ливерпул добива плата од 6,2 милиони фунти, по што изненадувачки следи Шон Дајч кој во Евертон годишно заработува 5 милиони фунти.