Артета: Очекував Челси да се бори за титулата

Арсенал ќе се соочи со Челси во лондонското дерби кое има посебно значење и за двете екипи, а Микел Артета не штедел комплименти за противничкиот тим и менаџерот Енцо Мареска.

Шпанскиот стручњак истакнал дека според тоа што го видел пред почетокот на сезоната, очекувал уште подобри резултати на Челси, односно „сините“ да бидат кандидати и за титулата.

– Уште од моментот кога ги гледав пред почетокот на сезоната, откако видов како работи Мареска и колку талент имаат во составот, очекував дека се кандидати за трофејот.

– Имаат многу квалитет и во моментот кога екипата ќе проработи на повеќе нивоа, ќе можат да му парираат на било кој тим.

– Мислам дека Мареска знае што сака од своите фудбалери и мене ми се допаѓа стилот на игра на Челси, – рекол Артета.

Дербито Арсенал-Челси се игра утре од 14:30 часот.