Артета: Не сакам тоа да го кажам…

Арсенал продолжи да губи бодови во Премиер лигата и на трет меч во низа не успеа да дојде до целиот плен, односно освои само бод во соочувањето со Манчестер Јунајтед.

Клубот од северен Лондон има 15 бода помалку од лидерот Ливерпул и се чини како невозможна мисија да дојде до пресврт во самата завршница кога е во прашање трката за пехарот, но предводникот на Арсенал, Микел Артета се уште не сака да се откаже, да прифати дека битката е завршена.

-Не сакам да го кажам тоа. Фрустрација е што не го добивме натпреварот. Ја знаеме итноста и должни сме да победиме на секој натпревар доколку сакате да имате какви било шанси да го направите тоа. Мислам дека не е вистинскиот момент да се зборува за тоа, -истакна Шпанецот.

„Топчиите“ веќе повеќе од две децении чекаат на трофеј во најсилниот англиски шампионат.