Артета: Не ни е потребно ресетирање, туку подобрување во еден сегмент

Арсенал се најде во резултатска криза откако освои само еден бод на последните три натпревари во Премиер лигата, а во меѓувреме загуби и на гостувањето кај Интер во Лигата на шампионите.

И покрај тоа што неговиот тим заостанува седум бода зад лидерот Ливерпул, менаџерот Микел Артета не смета дека „топчиите“ имаат потреба од посериозно ресетирање.

– Не мислам дека ни е потребно ресетирање, никој не работи понапорно од мене, во тоа ве уверувам.

– Не ни е потребно такво нешто, единствено што треба да направиме е во еден сегмент да го зголемиме ефектот од 95 на 100. Но, нема да ви кажам за кој сегмент се работи, – рекол Артета.

Менаџерот потврдил дека Мартин Одегард е во комбинација за настап на дербито со Челси, додека статусот на Деклан Рајс ќе биде познат денеска.