Артета ќе трепери: „Моторот“ во средниот ред оди на магнетна резонанца по дербито со Сити

Арсенал претрпе пораз од Манчестер Сити на „Итихад“ и се збогуваше од битката за титулата во ФА Купот, но минималниот неуспех од 1:0 не беше единствена лоша вест за Микел Артета.

Томас Парти не го доигра натпреварот откако се пожали на болки во пределот на грбот, а стравувањата се дека можеби станува збор за повреда на ребрата која би го оддалечила од теренот подолго време.

Парти е клучен играч во ростерот на Артета и важи за „мотор“ во средниот ред на Арсенал, па во наредните неколку часа сигурно ќе има големо нетрпение кај шпанскиот стручњак.

– Томас почувствува нешто во ребрата и не сакавме воопшто да ризикуваме. Не можеже да продолжи да игра. Почувствува нешто и стануваше полошо и полошо.

– Со него ќе мора да направиме магнетна резонанца и да видиме за што точно се работи. Тестот ќе биде направен во наредните 24 часа, – изјави Артета.