Артета издвои еден играч на Арсенал по славјето над ПСЖ: Неговиот фудбалски мозок, работна етика…

Арсенал го одбрани домашниот терен и издвојува триумф над Пари Сен Жермен од 2-0 во еден од најинтересните вчерашните натпревари во Лигата на шампионите.

„Топчиите“ постигнаа два гола во првиот дел во периодот од 20 до 35 минута што се покажа како доволно за тимот да дојде до прво славје во елитното натпреварување.

Еден од тие голови беше дело на Каи Хаверц кој на тој начин ја продолжи одлична серија да погодува на секој меч во актуелнава кампања која Арсенал го игра на „Емирејтс“.

-Тој беше неверојатен. Неговиот фудбалски мозок, начинот на кој го разбира просторот, неговиот тајминг, начинот на кој ги зближува луѓето, му носи нешто екстра на тимот. Неговата работна етика е неверојатна и секогаш кога е околу шеснаесетникот е вистинска закана. Тој е еден од нашите главни играчи во моментов, -рече Артета притоа посочувајќи дека е задоволен од настапот на екипата.

-Секако дека сум среќен. Игравме голем противник, тим кој има многу карактер со кој е навистина тешко да се справиш, особено кога ја немаш топката. Но, особено во првото полувреме бевме многу доминантни, а вториот дел беше поинаква приказна, -истакна Шпанецот за „Амазон Прајм“.