Артета избега од интервјуто за „Скај“ откако доби прашање за титулата (Видео)

Шампионската битка во Премиер лигата полека доаѓа до самиот крај, откако Арсенал не успеа да победи и на трет меч во низа во домашното првенство.

Денешното реми со Манчестер Јунајтед на „Олд Трафорд“ значи дека тимот на Микел Артета има 15 бодови помалку од лидерот Ливерпул, па за многумина прашањето околу тоа кој е нов англиски шампион е веќе завршено.

Артета во неколку наврати порача дека ќе се бори до последен ден и дека ќе се откаже дури во моментот кога ќе нема математички шанси, но неговото однесување денеска јасно става до знаење дека и на него му е јасно дека губи уште една битка со директен ривал за трофејот.

Менаџерот на Арсенал избегал од интервјуто со „Скај Спортс“ по ремито со Јунајтед на театарот на соништата, откако претходно одговорил дека кризата на „топчиите“ не се должи на тоа што не купија напаѓач во јануари.

Новинарот на „Скај Спортс“ побара од Артета да му одговори на последното прашање поврзано за шампионската битка, по што Шпанецот решил да ја напушти микс-зоната.

Mikel Arteta man 😂😂 pic.twitter.com/AAC40Fljfp

— WelBeast (@WelBeast) March 9, 2025