Артета со предупредување за Ливерпул: Тешко е да издржат со вакво темпо

Ливерпул со импресивна форма стигна до голема предност во однос на Манчестер Сити и останатите ривали за премиерлигашката титула, но Микел Артета смета дека „црвените“ нема уште долго да издржат со вакво темпо.

Арсенал ја отвори сезоната како главен ривал на Сити за титулата, но сега падна во втор план поради неколку неуспешни настапи и заостанувањето зад Ливерпул.

– Сме биле во таква позиција и јасно е дека е тешко да се издржи такво темпо во текот на десет месеци.

– Она што мислиш дека го имаш еден, следниот ден може да колабира, а може да биде резултат на неколку повреди или погрешни одлуки.

– Може да се случи во секој момент, па ние треба да бидеме подготвени за такво сценарио. Секако, ние немаме контрола врз тоа, но она што можеме да контролираме е да играме на највисоко ниво. Верувам во мојот тим и можноста да го стигнеме Ливерпул, – рекол Артета чиј тим викендов игра со Вест Хем.