Артета го добива она што го посакуваше: Арсенал и Сити договориле трансфер вреден 45 милиони фунти

Екипите од Премиер лигата се најмоќни и стојат најдобро кога се во прашање финансиите од Топ 5 лигите во Европа, па затоа не е изненадување што е доста раздвижено особено вечерва каде според информациите паднаа три трансфери.

Прво Манчестер Сити успеа да се разбере со Лидс Јунајтед за услугите на Калвин Филипс, потоа Њукасл успеа да го победи Милан и да го добие потписот на Свен Ботман за да сега познатиот и реномиран новинар Фабрицио Романо да извеси дека „граѓаните“ и Арсенал си подале рака за трансферот на Габриел Жежус.

Arsenal and Manchester City have reached full verbal agreement today for Gabriel Jesus. Deal in place after new meeting – been told guaranteed fee is £45m. 🚨🇧🇷 #AFC

Arsenal are now working on personal terms with Gabriel’s camp – final step to get the deal completed very soon. pic.twitter.com/sNcy4TuTks

— Fabrizio Romano (@FabrizioRomano) June 24, 2022

Според негови извори последниот состанок бил успешен, двете страни се договориле за загарантирани 45 милиони фунти. Сега останува „топчиите“ да се разберат со Бразилецот околу личните примања за да се затвори зделката.

Окулу ваквото сценарио претходно се огласи и „Дејли Мејл“ кој пренесе дека очекува во следните седум до десет дена Жежус да стане играч на Арсенал што дефинитивно е знак дека напаѓачот се сели во Лондон.

Претходно премиерлигашот ги ангажираше Маркињос и Фабио Виеира.