Артета ги шокираше фановите на Арсенал со новата информација за повредата на Сака

Минималната победа против Ипсвич донесе пласман на втората позиција на премиерлигашката табела и ги израдува фановите на Арсенал, но менаџерот Микел Артета соопштил и негативна вест по крајот на натпреварот.

Повредата на Букајо Сака не само што не е наивна, туку шпанскиот стручњак со последната информација потврдил дека ќе му донесе многу подолга пауза од првичните очекувања.

– Има посебна процедура за неговата рехабилитација и јасно е дека ќе пропушти многу, многу недели.

– Велам многу недели што значи дека паузата ќе трае повеќе од два месеца, но не знам поточно колку би отсуствувал. Многу зависи од брзината со која заздравува по оперативниот зафат, тоа е индивидуално, – рекол Артета.

Арсенал сега заостанува шест бодови зад лидерот Ливерпул, а следен противник ќе му биде незгодниот Брентфорд.