Артета ги објасни своите чудни измени во неочекуваното реми со Евертон

Арсенал пропушти нова голема шанса да му се доближи на Ливерпул на првенствената табелата, а од друга страна, му овозможува на Челси да се одлепи на втората позиција во случај ако „сините“ утре победат против Брентфорд.

„Топчиите“ на трет натпревар во низа во Премиер лигата не постигнаа гол од игра, но овојпат беа неуспешни при прекините и така врзаа второ реми по она со Фулам.

Евертон успеа да издржи на „Емирејтс“ и си замина во Ливерпул со почетниот резултат, а во ситуација кога Арсенал очајнички бркаше прв гол кој ќе го „скрши“ противникот, Микел Артета направи две чудни измени, вадејќи ги од игра Деклан Рајс и Мартин Одегард.

Двајцата беа први повлечени играчи од Шпанецот по еден час игра, па Микел мораше да даде објаснување за ваквиот свој потег.

– Морав да го извадам Деклан поради тоа што почувствува некој проблем, а во случајот со Мартин немаше ништо. Тоа беше моја тактичка одлука, се обидов да го променам ритамот со друг играч.

– Ако Етан влезеше и постигнеше гол, тоа ќе беше супер измена, но кога не се случува тоа, сите прашуваат зошто го вадите капитенот. Таков е фудбалот, замените се користат за да се обидете да му помогнете на тимот, – изјави Артета.