Артета: Фудбалерите се убедени дека можеме да ја прекинеме серијата на Сити

Арсенал ја отвора новата сезона во Премиер лигата со исти амбиции како и минатата, а тоа е ставање крај на долгиот пост без титула за „топчиите“ и прекинување на серијата на Манчестер Сити.

Експертите го сметаат Арсенал за единствен реален ривал на Сити во трката за трофејот, а менаџерот Микел Артета вели дека и самите негови фудбалери инсистираат да се оди чекор понапред.

– Сите фудбалери ми велат „Ќе бидеме подобри, ќе успееме овојпат, сакаме повеќе“.

– Тие се оние кои мора да ја одржуваат во живот нашата главна амбиција, па нормално дека ова е позитивен аспект.

– Се уште сме далеку од сопствениот лимит, имаме простор за подобрување и начинот на кој фудбалерите работат секојдневно ме прават оптимист дека можеме многу подобро сезонава, – рекол Артета.

Арсенал ја отвора сезоната против Волвс, а статистиката вели дека ниту еден тим во Премиер лигата досега не успевал да го зголеми бројот на освоени поени пет сезони по ред.