Арсенал заинтересиран за директорот кој доби отказ од Манчестер Јунајтед

Раководството на Арсенал може да повлече интересен потег и да го ангажира довчерашниот спортски директор на големиот ривал, Манчестер Јунајтед.

Англиските медиуми пренесуваат дека Дан Ешворт станал еден од потенцијалните кандидати за наследник на Еду, кој пред некое време донесе изненадувачка одлука и се повлече од функцијата во редовите на „топчиите“.

Ешворт беше директор во Њукасл, ги напушти „црно-белите“ со отштета платена од Манчестер Јунајтед, а по само пет месеци влезе во конфликт со Џим Ретклиф и неговите соработници и го напушти „Олд Трафорд“.

Позитивно за евентуалната конекција на Арсенал и Ешворт е и актуелниот директор Ричард Гарлик, со кого соработуваше додека двајцата беа дел од Вест Бромвич Албион.

Арсенал не е под голем притисок експресно да најде замена за Еду, бидејќи и онака не се планираат сериозни чекори во јануарскиот преоден рок.