Арсенал со минимален триумф до второ место во Премиер лигата (ВИДЕО)

Составот на Арсенал оствари минимален триумф над Ипсвич од 1-0 во завршниот меч од 18. коло во англиската Премиер лига.

Домаќините важеа за апсолутни фаворити на средбата на „Емирејтс“, па иако тој статус резултатски го оправдаа сигурно многумина очекуваа поефикасна игра и поубедливо славје на избраниците на Микел Артета.

Меѓутоа во овој згуснат распоред и натпревари кои се играа постојано секој триумф е повеќе од значаен, а овој вечерашниот му го донесоа на Арсенал второто место на табелата или поточно беше прескокнат Челси кој вчера киксираше во средбата со Фулам.

Клучниот момент на денешниот меч се случи во 23 минута кога Хаверц се најде на вистинското место и ја смести топката во мрежата на гостите.

„Топчиите“ имаат шест бода помалку од лидерот Ливерпул, следниот предизвик за нив е на стартот на 2025 година кога му гостуваат на Брентфорд.