Арсенал остана без уште еден играч до крајот на сезонава

Премиерлигашот Арсенал има доста проблеми со повредите во текот на оваа сезона, некои од нив брзо се надминаа, за некои требаше подолго време, но има и таква за кои тековнава кампања е завршена.

На таа листа беа напаѓачите Каи Хаверц и Габриел Жезус, листа на која сега официјално е додаден дефанзивецот Такехиро Томијасу.

Јапонецот одигра само еден меч во натпреварувачката 2024/2025, мораше да замине „под нож“ и сега пред него е процес на закрепкување.

-Пред неколку дена имав операција на коленото и веќе почнав со рехабилитација за повторно да го работам она што најмногу го сакам. Ова беше најтешкиот период во мојата кариера сигурно и продолжува уште малку, но јас нема да се откажам, -напиша Томијасу на социјалните мрежи.

View this post on Instagram

A post shared by 冨安健洋/Takehiro Tomiyasu (@tomiyasu.t)