Арсенал на крајот може да излезе како победник од ситуацијата со Обамејанг: Интер им нуди одлична размена на играчи

Голема е веројатноста Арсенал по крајот на оваа сезона да остане без својот најдобар фудбалер, Пјер Емерик- Обамејанг.

Габонецот има само уште една година од договорот со „топчиите“ и тие доколку сакаат да заработат на неговиот трансфер ќе мора да го продадат ова лето.

Сумата за која се шпекулира дека ќе биде барана од Арсенал е меѓу 40 и 50 милиони евра, а англиските медиуми сега пишуваат дека Интер е подготвен за директна размена на играчи.

Антонио Конте го посакува Обамејанг во своите редови како замена за Лаутаро Мартинез кој би заминал во Барселона и смета дека искусниот офанзивец ќе биде одличен партнер на Лукаку во нападот на Интер.

Токму затоа, како што пишува „Дејли  Мејл“ од Интер на Арсенал ќе го понудат Мауро Икарди кој оваа сезона настапува како позајмен фудбалер во редовите на ПСЖ.

И францускиот клуб ќе сака да го задржи Аргентинецот, но и Арсенал веројатно ќе се согласи на ваква трампа, па нема да штеди пари за неговата плата што значи постои голема можност ова лето да видиме нависитна интересна размена на играчи на релација Милано- Лондон од која двата клуба веројатно ќе имаат придобивки.