Арсенал ќе добие „засилување“ за финишот на оваа сезона

Арсенал има предизвици во Премиер лигата и Лигата на шампионите, односно до крајот и тоа како има важни натпревари што значи дека на Микел Артета ќе му бидат потребни сите играчи кои се фит и подготвени.

Пред некое време „топчиите“ го добија назад Букајо Сака, меѓутоа веднаш набрзо го загубија можеби и најдобриот дефанзивец Габриел и тоа до крајот на сезоната.

Оваа кампања дефинитино е завршена и за Габриел Жезуз, Такехито Томијасу, листа на која требаше да биде и Каи Хаверц, но менаџерот Артата соопшти добри вести за офанзивецот.

-Се надеваме дека ќе го вратиме пред крајот на сезоната.  Да видиме. Секоја повреда не е иста. Одлична работна етика, очајни да се вратат во игра што е можно побрзо – и одличен медицински персонал да се грижи за нив. Откако ќе стигнете до последната фаза од таа рехабилитација, можете подобро да разберете колку блиску или далеку сте до тој следен чекор, -рече Шпанецот.

Каи е во „аут“ од месец февруари, во оваа кампања има учинок од 15 гола и 5 асистенции на 34 натпревари.