Арсенал и Тотенхем првпат ќе одиграат градско дерби надвор од Обединетото Кралство

Големите ривали од Северен Лондон, Арсенал и Тотенхем денеска потврдија дека прифатиле да се соочат меѓусебно надвор од Обединетото Кралство.

Натпреварот е планиран за во јули во Хонг Конг, а ќе биде прво соочување на големите градски ривали во Азија, каде ќе играат на новиот стадион „Каи Так“.

– Нема многу позначајни натпревари од дербито меѓу Тотенхем и Арсенал, а фактот што натпреварот ќе се игра во Хонг Конг ќе биде одлична шанса за нашите страствени фанови ширум Азија, – рекол Рајан Норис, директор во Тотенхем.

Лондонското дерби ќе биде дел од големиот фудбалски фестивал, а е планирано за 31. јули.

Пет дена порано, на истиот стадион ќе се сретнат Ливерпул и Милан.