Арнаутовиќ ги „запали“ српските навивачи со изјавата која ја даде по поразот на „Маракана“ (Видео)

Марко Арнаутовиќ се покажа како голем шмекер и им честиташе на сите српски фудбалери поединечно за победата во двомечот со Австрија, но напаѓачот на Интер привлекол внимание и во микс-зоната на „Маракана“ поради изјавата која ја даде за „Арена Спорт“.

Центарфот на италијанскиот шампион е во последните месеци од договорот со Интер, а бидејќи налето ќе мора да донесе одлука за својата иднина, многумина почнаа да го поврзуваат со трансфер во Црвена Звезда.

Говорејќи во минатото, Аранутовиќ има во неколку наврати признаено дека важи за голем „звездаш“, па сега не сокри дека негова намера е да заврши во Црвена Звезда.

– Сите знаат дека сум звездаш, сите знаат дека имам голема почит кон клубот и во моментов можам да кажам дека им посакувам се најдобро од срце.

– Во овој момент сум во Интер, максимално сум концентриран на Интер и не знам што ќе се случи после оваа сезона. И посакувам се најдобро на Звезда и се надевам дека ќе се видиме, – изјавил Арнаутовиќ.

🗨️ Marko Arnautović o dolasku u Crvenu zvezdu:

''Nadam se da se vidimo'' pic.twitter.com/eRxNfDPI6W

— Arena Sport TV (@arenasport_tv) March 23, 2025