Ариго Саки за лидерот во Серија А: Никој не можеше да го предвиди ова!

Познатиот италијански фудбалски стручњак, Ариго Саки, во својата колумна објавена во „Газета дело спорт“ се осврна на моменталниот линк на лидерската екипа во Серија А.

Иако де факто то зборува за својот поранешен тим, со кој ги постигна најголемите успеси како тренер во периодот 1987 – 1991, а потоа и во 1996-1997 година (меѓу тие два ангажмани беше селектор на Италија), тој тврди дека преродбата на „росонерите“ се огледува на повеќе полиња.

– Мошне е убаво да се види тим на личности кои се дарежливи, ентизијасти и имаат заеднички цели за живот. Тим каде што тимскиот дух, скромноста, трчањето, жртвувањето, борбата да му се помогне на соиграчот – е на највисоко ниво. Веројатно никој не можеше да го предвиди ова подобрување кај овие момци!

Легендарниот тренер иако имаше убави зборови за играчите, не го „поштеди“ од комплименти ниту Стефано Пиоли.

– Овој Милан расте и технички и тактички, во основата. Конечно, тоа е клуб каде што идеите се споделуваат и работат. Клуб кој демонстрира високо ниво на компетентност, а тренерот има почит кон играчите и чувствува дека е ценет.

Саки е уште едно големо име покрај плејадата други кои типуваат дека Милан може да биде сериозен канидат за титулата. Претходно, тоа го направија и Андреј Шевченко, а последен во низата е Џиџи Кањи. Медиумите шпекулираат дека управата ќе го одврзе ќесето во зимскиот преоден рок и ќе го засили тимот за да издржи во кампањата за нова титула по пауза од девет години, бидејќи тие се последните освојувачи на скудетото (2010/2011), по што започна серијата на девет титули во низа на Јувентус.