Аргентинец смени два клуба и заврши во „идеален“ град: Судбината ме доведе овде

Енцо Баренечеа имаше лето исполнето со многу преговори и две промени на клуб, па од Јувентус на крајот заврши во редовите на Валенсија.

Италијанскиот тим првично го продаде Аргентинецот во редовите на Астон Вила, но откако утврди дека нема да добива соодветна минутажа кај Унај Емери, Баренечеа издејствува заем во редовите на шпанскиот клуб.

За Баренечеа се интересирале неколку клубови, но на крајот тој заврши во Валенсија, а самиот го дефинирал сценариото како „судбина“ поради навистина несекојдневно поклопување и на одредени „семејни трансфери“.

– Пред само три или четири недели, моите родители решија да започнат нова етапа бидејќи секогаш сме биле заедно.

– Јас заминав во Англија, мојот брат игра во Италија, а мојата сестра започна со студии во Валенсија. Тие решија да живеат во Валенсија и веќе се во својот нов дом неколку недели. Судбината е таа која ме доведе овде, – рекол Баренечеа.