Аргентинците добија лоша вест за Меси неколку часа по бравурата против Атланта (Фото)

Лионел Меси рано утрово одигра 90 минути на натпреварот против Атланта во кој постигна гол како во своите најдобри денови, мајсторија со која го најави пресвртот на Интер Мајами.

Аргентинецот режираше бравура во свој препознатлив стил и беше најзаслужен за победата од 1:2, па иако сите беа импресионирани од изданието кое го прикажа по повредата која ја залечи, подоцна денеска пристигна една лоша вест за аргентинските фанови.

Капитенот на репрезентацијата ќе го прескокне претстојниот квалификациски прозорец за Светското првенство, откако пријавил физички проблеми по мечот со Атланта, и тоа во пределот на адукторот.

Поради тоа, Меси отпадна од листата на селекторот Лионел Скалони за двете претстојни дерби пресметки во месец март, односно гостувањето во Уругвај и натпреварот на домашен терен против Бразил.

За второто дерби против „кариоките“, веќе дознавме дека отпадна најголемата ѕвезда на Бразил во името на Нејмар, но сега на натпреварот нема да го гледаме и Меси.

Поради повреда заработена на последниот меч со Рома, дел од селекцијата на „гаучосите“ нема да биде и Пауло Дибала.

#SelecciónMayor Nómina de convocados por Lionel Scaloni para la doble fecha de #Eliminatorias.

🇦🇷 ¡Volvemos a vernos! 😁 pic.twitter.com/APD62lyHag

— 🇦🇷 Selección Argentina ⭐⭐⭐ (@Argentina) March 17, 2025