Араухо со капитенска порака до соиграчите: За да освојуваме титули…

Барселона не дозволи никакво изненадување и забележа убедлива победа над Реал Сосиедад од 4-0 на соочувањето на „Монжуик“.

Каталонците бараа триумф за враќање на првото место на табелата и соодветно одговорија на предизвикот во натпревар во кој во листата на стрелци се запишаа три неочекувани имиња.

Меѓу нив беше и капитенот Роналд Араухо кој по мечот испрати и еден капитенска порака до соиграчите, да бидат максимално подготвени да помогнат, да дадата значаен придонес кога ќе добијат шанса, односно дека само на таков начин може да се освојат титули.

-Многу сум задоволен од тоа како одигравме. Беше важно да победиме за да го преземеме водството на врвот, среќен сум затоа што тимот работи одлично и затоа што сме на првото место. Важно е да имате тим кој е конкурентен за да освоите титули потребни ви се добри играчи, а не само 11 или 12.

-Секој кој доаѓа во тимот го прави тоа со самодоверба и со задоволство придонесува. Менаџерот исто така го прави тоа многу добро со играчи кои не играат толку колку што би сакале, -порача Уругваецот.